Psalms 107

Ukubonga iNkosi ngokulunga kwayo

1Ibongeni iNkosi, ngoba ilungile, ngoba umusa wayo umi kuze kube phakade ^a. 2Kabatsho njalo abahlengiweyo beNkosi ^b ebahlengileyo esandleni sesitha ^c. 3Yababutha ^d bevela emazweni, empumalanga lentshonalanga, enyakatho lelwandle ^e. 4Bazulazula enkangala ^f endleleni yenhlane ^g, kabatholanga umuzi wokuhlala ^h. 5Belambile njalo bomile ⁱ, umphefumulo wabo waphela amandla phakathi kwabo ^j. 6Khona bakhala eNkosini ^k ekuhluphekeni kwabo, yabakhulula ezinsizini zabo ^l. 7Yabakhokhela ngendlela eqondileyo ^m, ukuze baye emzini wokuhlala ⁿ.

8Kabayidumise iNkosingomusa wayo langemisebenzi yayo emangalisayo ebantwaneni babantu ^o! 9Ngoba iyasuthisa ^p umphefumulo olangathayo ^q, lomphefumulo olambileyo iwugcwalisa ngokuhle ^r.

10Abahlala emnyameni ^s lethunzini lokufa ^t, bebotshiwe ensizini lensimbini ^u, 11ngoba bavukela amazwi kaNkulunkulu ^v, badelela ^w iseluleko soPhezukonke ^x. 12Ngakho wathoba inhliziyo yabo ngokuhlupheka; bakhubeka, njalo kwakungekho umsizi ^y. 13Khona bakhala eNkosini ekuhluphekeni kwabo, yabasindisa ezinsizini zabo ^z. 14Yabakhupha ^aa emnyameni lethunzini lokufa ^ab, yaqamula izibopho zabo ^ac.

15Kabayidumise iNkosingomusa wayo, langemisebenzi yayo emangalisayo ebantwaneni babantu ^ad! 16Ngoba yephule izivalo zethusi, yaquma imigoqo yensimbi ^ae.

17Abayizithutha, ngenxa yendlela yeziphambeko zabo langenxa yezono zabo, bahlutshiwe ^af. 18Umphefumulo wabo wenyanya ukudla konke ^ag, basondela ^ah emasangweni okufa ^ai. 19Khona bakhala eNkosini ekuhluphekeni kwabo, yabasindisa ezinsizini zabo ^aj. 20Yathumela ^{ak , al} ilizwi layo ^am, yabasilisa ^an, yabakhulula ^ao emigodini yabo ^ap.

21Kabayidumise iNkosingomusa wayo, langemisebenzi yayo emangalisayo ebantwaneni babantu ^aq! 22Njalo kabahlabe imihlatshelo yokubonga ^ar, balandise izenzo zayo ngokuthaba ^as.

23Abehlela olwandle ngemikhumbi ^at, abenza imisebenzi emanzini amakhulu ^au; 24laba babona izenzo zeNkosi, lemisebenzi yayo emangalisayo ekujuleni. 25Ngoba iyakhuluma ^av, ivuse isiphepho somoya, esiqubula amagagasi alo ^aw. 26Benyukela emazulwini, behlele enzikini; umphefumulo wabo uncibilika ngosizi ^ax. 27Bayadengezela bebhadazela ^ay njengesidakwa, lenhlakanipho yabo yonke iginyiwe ^az. 28Khona bakhala eNkosini ekuhluphekeni kwabo, yabakhupha ezinsizini zabo ^ba. 29Yenza isiphepho ^bb sachuma, lamagagasi aso athula ^bc. 30Basebethokoza ngoba ayesethule, yasibaholela ethekwini lesifiso sabo ^bd.

31Kabayibonge iNkosingomusa wayo, langemisebenzi yayo emangalisayo ebantwaneni babantu ^be! 32Njalo kabayiphakamise ^bf ebandleni labantu ^bg, bayidumise esihlalweni sabadala ^bh!

33Yenza imifula ibe yinkangala, lemithombo yamanzi ibe ngumhlabathi owomileyo ^bi, 34umhlabathi ovundileyo ube lugwadule, ngenxa yobubi babahlezi kuwo ^bj. 35Iphendula inkangala ^bk ibe yisiziba samanzi ^{bl , bm}, lelizwe elomileyo libe yimithombo yamanzi ^bn. 36Ihlalise khona abalambileyo, njalo bamise umuzi wokuhlala ^bo; 37bahlanyele amasimu, bagxumeke izivini, ezithela izithelo zesivuno. 38Njalo iyababusisa ukuze bande kakhulu, lezifuyo zabo kayizinciphisi ^bp. 39Babuye banciphe, bathotshiswe ngocindezelo, ububi, losizi. 40Ithela ukudelelwa phezu kweziphathamandla ^bq, ibazulisa enkangala, engelandlela ^br. 41Kube kanti ihlalisa phezulu umyanga ekuhluphekeni ^bs, enze insapho zibe njengomhlambi ^bt. 42Abalungileyo bazabona bathokoze ^bu, lobubi bonke buzavala umlomo wabo ^bv.

43Loba ngubani ohlakaniphileyo uzaqaphelisa lezizinto; labo bazaqedisisa izisa zeNkosi ^bw.